Korrigjim të kufijve midis Kosovës dhe Serbisë, apo autonomi territoriale për serbët lokalë? Këto dy opsione mbi kritere etnike po vazhdojnë të qarkullojnë nga lartë, si mundësi zgjidhjeje në dialogun midis Prishtinës dhe Beogradit, nën ofansivën diplomatike amerikane dhe nën hijen e pasivitetit të Bashkimit Evropian, që edhe ka bllokuar zgjerimin në Ballkanin Perëndimor. Kundrejt kësaj, sa mund të ndërtohet sot nga poshtë një alternativë progresive joetnike, në shoqëritë e globalizuara ballkanike, të dominuara nga politikat neoliberale ekonomike dhe nga pushtetet neoautoritare?